Շիրակի մարզի դատարանում ծանր վիճակ է. «Հրապարակ»
«Հրապարակ» թերթը գրում է. «Դատավորների ծանրաբեռնվածությունն այսօր դարձել է դատական համակարգի կարեւոր խնդիրներից մեկը։ Մեր տեղեկություններով՝ այս առումով առավել ծանր վիճակ է Շիրակի մարզի ընդհանուր իրավասության դատարանում, երբ քրեական գործեր քննող 4 դատավորից մնացել է ընդամենը 2-ը, Պերմյակովի գործը քննած Հարություն Մովսեսյանը գնացել է թոշակի, իսկ Արտակ Թադեւոսյանին գործուղել են Երեւան՝ Էրեբունի եւ Նուբարաշեն վարչական շրջանների ընդհանուր իրավասության դատարան։
Այժմ մարզում քրեական գործերի ողջ ծանրաբեռնվածությունը դատավորներ Վարդան Գրիգորյանի եւ Աշոտ Մանուկյանի ուսերին է։
Առայժմ հայտնի չէ, թե երբ դատավոր կնշանակվի Շիրակում՝ հատկապես, եթե հաշվի առնենք, որ դատավորները դժվարությամբ են գնում հեռավոր մարզեր աշխատելու, գերադասում են Երեւանը»։
Ամբողջությամբ կարող եք կարդալ «Հրապարակ» թերթի այսօրվա համարում:
