Խոշոր ավտովթար՝ Գավառ-Սևան ավտոճանապարհին. 1 ուղևոր տեղում զոհվել է, վարորդը ծայրահեղ ծանր վիճակում է
Մայիսի 11-ին, ժամը 16:55-ին ՀՀ ԱԻՆ ահազանգ է ստացվել, որ Գավառ-Սևան ավտոճանապարհին բախվել են երկու ավտոմեքենա. կան տուժածներ, անհրաժեշտ է փրկարարների օգնությունը:
Ինչպես հայտնում են ԱԻՆ լրատվական ծառայությունից, դեպքի վայր են մեկնել մեկ մարտական հաշվարկ և մարզային փրկարարական վարչության օպերատիվ խումբը:
Պարզվել է, որ Մ-10 ավտոճանապարհի Գավառ-Սևան հատվածի 17-րդ կմ-ին Ծովազարդ գյուղի մոտակայքում իրար են բախվել «ՊԱԶ» մակնիշի 41 AV 111 պետհամարանիշով ավտոբուսը (վարորդ՝ Գ. Դ.) և «ՎԱԶ 2106» մակնիշի 34 ՏՏ 373 պետհամարանիշով ավտոմեքենան (վարորդ՝ 1963 թ. ծնված Ս. Ս.), ինչի հետևանքով «ՎԱԶ 2106» մակնիշի ավտոմեքենայի վարորդ Ս. Ս.-ը ստացել է տարբեր աստիճանի մարմնական վնասվածքներ, իսկ ուղևոր՝ 1986 թ. ծնված Ա. Բ.-ը տեղում զոհվել է:
Փրկարարներն ավտոմեքենայից դուրս են բերել տուժած Ս. Ս.-ին և մոտեցրել շտապօգնության ավտոմեքենային, ով հոսպիտալացվել է Գավառի ԲԿ: Բժիշկները տուժածի առողջական վիճակը գնահատել են ծայրահեղ ծանր:
Փրկարարներն ավտոմեքենայից դուրս են բերել Ա. Բ.-ի դին, մոտեցրել շտապօգնության ավտոմեքենային, հոսանքազրկել ավտոմեքենաները և փակել գազի բալոնների փականները:
