ՀՀԿ-ն ողջունում է Հայաստանում կուսակցությունների դաշինքների ձևավորումը
Իշխող Հանրապետական կուսակցությունը ողջունում է Հայաստանում կուսակցությունների դաշիքների ձևավորման գործընթացը: ՀՀԿ ԳՄ և խորհրդի նիստերի ավարտից հետո լրագրողների հետ հանդիպմանն այս մասին ասաց ՀՀԿ խոսնակ, ԱԺ փոխնախագահ Էդուարդ Շարմազանովը:
«Մենք ասել ենք, որ սահմանադրական բարեփոխումներից հետո Հայաստանում շեշտակի մեծանալու է կուսակցությունների դերը և կարող է տեղի ունենալ կուսակցությունների խոշորացում, ինչը դրական է քաղաքական մշակույթի տեսանկյունից:
Ուստի, մենք ողջունում ենք Հայաստանում կուսակցությունների դաշինքների ձևավորման գործընթացը»,- նշեց Շարմազանովը:
Նա հավելեց, որ ՀՀԿ-ն պատրաստ է ազատ մրցակցային պայմաններում ապրիլի 2ին մրցակցել բոլոր գործընկերների հետ:
