«Մխիթարյանի գոլը հնարավոր չէ նկարագրել կամ անգամ երազել դրա մասին». Իբրահիմովիչ
Ինչպես արդեն տեղեկացրել ենք, Հենրիխ Մխիթարյանի «կարիճ» հարվածով խփած գոլը ճանաչվել է «Մանչեսթեր Յունայթեդի» դեկտեմբեր ամսվա լավագույն գոլ:
Մանչեսթերյան ակումբի շվեդ հարձակվող Զլատան Իբրահիմովիչը, ով ճանաչվել էր դեկտեմբեր ամսվա լավագույն ֆուտբոլիստ, խոսել է Մխիթարյանի գոլի մասին՝ նշելով, որ այդ գոլը պարզապես հրաշալի էր:
«Մխիթարյանի գոլը հնարավոր չէ նկարագրել կամ անգամ երազել դրա մասին: Տեսականորեն բոլորն էլ կարող են անել դա, բայց նման կարևոր պահի նման գոլ խփելը պահանջում է մեծ ջանքեր, աշխատանք և պրոֆեսիոնալիզմ»,- նշել է Իբրահիմովիչը:
Շվեդ հարձակվողը նշել է նաև, որ ուրախ է Մխիթարյանի համար և կրկնակի ուրախ է, որ մասնակցություն է ունեցել նման հրաշալի գոլի կայացմանը.
«Այս գոլը մարդիկ կիշեն ընդմիշտ: Երկրպագուները սիրում են նման գնդակներ»:
Զլատանը նշել է նաև, որ այդ գոլից դեռ 2 շաբաթ առաջ սովորեցրել է Մխիթարյանին, թե ինչպես է պետք կատարել նման հարվածներ:
Սիրարփի Աղաբաբյան
