Սերժ Սարգսյանի համար կյանքի ամենածանր պահերից է եղել 1992 թվականի աշունը
Սերժ Սարգսյանի կյանքում ամենածանր օրերը եղել են մինչև երկրի ղեկավար դառնալը: Արցախում մշակութային գործիչն երի հետ հանդիպման ժամանակ ՀՀ Նախագահ Սերժ Սարգսյանը նշեց, որ իր կյանքի ամենածանր շրջանը եղել է 1992թ-ի աշունը:
«Պետք էր որոշում կայացնել, որտեղ տալ ամենավճռական մարտը: Երկու ուղղությամբ էին գալիս ադրբեջանցիները»,- նշեց Սերժ Սարգսյանը:
Նրա խոսքով` մտորումներից հետո որոշվել է պահել Ասկերանը, որովհետեւ երկու ուղղությամբ էլ հնարավոր չէր:
«Ծանրությունը չէ, որ մարդուն կաշկանդում է, նեղում: Մարդուն նեղում է որոշում կայացնելու գործընթացը»,- ընդգծեց Սերժ Սարգսյանը` ավելացնելով, որ բերկրանքի պահեր շատ է ապրել:
