Համազգային սուգ Թուրքիայում. Էրդողանը Ստամբուլի ահաբեկչության պատճառով չեղարկել է Աստանա այցը
Թուրքիայի նախագահ Ռեջեփ Էրդողանը Ստամբուլի ահաբեկչության պատճառով չեղարկել է իր այցը Ղազախստան, հայտնում է «Անադոլու» գործակալությունը:
Էրդողանը մտադիր էր դեկտեմբերի 11-12-ին Նուրսուլթան Նազարբաևի հրավերով մեկնել Ղազախստան:
Դեկտեմբերի 10-ի երեկոյան Ստամբուլի Բեշիկթաշ շրջանի Vodafone Arena մարզադաշտի հարևանությամբ որոտացած պայթյունի հետևանքով Թուրքիայում մեկօրյա համազգային սուգ է հայտարարվել:
Համապատասխան որոշումը ստորագրել է Թուրքիայի վարչապետ Բինալի Յըլդըրըմը: Թուրքիայի բոլոր դրոշները իջեցվել են:
Նախնական տվյալներով՝ Ստամբուլում կրկնակի ահաբեկչության զոհերի թիվը հասել է մինչև 29-ի (նրանցից 27ը՝ ոստիկան):
