Արտաշատի ՋՕՄ-ի աշխատակիցները հակատանկային արկ են հայտնաբերել Մխչյանի ջրանցքում
ՀՀ արտակարգ իրավիճակների նախարարությունը դեկտեմբերի 6-ին, ժամը 15.19-ին ահազանգ է ստացել, որ Արարատի մարզի Ոստան գյուղի գերեզմանոցի հարևանությամբ Արտաշատի ՋՕՄ-ի աշխատակիցների կողմից ջրամաքրման աշխատանքներ կատարելիս հայտնաբերվել է ականանման առարկա:
Դեպքի վայր է մեկնել ճգնաժամային կառավարման ազգային կենտրոնի և հրշեջ փրկարարական ջոկատի օպերատիվ խմբերը:
Ոստան Քաղցրաշեն ավտոճանապարհի 1-ին կմ-ի հատվածում Մխչյանի ջրանցքում Արտաշատի ՋՕՄի աշխատակիցները հայտնաբերել են 1 հատ МТ 64 հակատանկային արկ:
Փրկարարները սահմանազատել են տարածքը և ապահովել են անվտանգությունն մինչ սակրավորների ժամանելը:
