Կատալոնիան պատրաստվում են անկախության վերաբերյալ հանրաքվե անցկացնել
Կատալոնիան կարող է 2017թ-ին Իսպանիայի կազմից դուրս գալու վերաբերյալ հանրաքվե անցկացնել:
Ինչպես հաղորդում է Interfax-ը, այս մասին տեղական խորհրդարանի պատգամավորների հետ հանդիպման ժամանակ հայտարարել է ինքնավար մարզի ղեկավար Կարլես Պուչդեմոնտը: Նրա խոսքով` հանրաքվեն, ամենայն հավանականությամբ, կանցկացվի 2017թ-ի սեպտեմբերի երկրորդ կեսին:
Կատալոնիայում տեղական ընտրությունները տեղի են ունեցել 2015թ-ի սեպտեմբերի 27-ին: Ընտրություններում հաղթել են մարզի անկախության կողմնակիցները:
2014թ-ի նոյեմբերի 9-ին Կատալոնիայում անցկացվել է մարզի ինքնորոշման խնդրի վերաբերյալ հարցում, որի արդյունքում բնակչության 80 տոկոսը կողմ է արտահայտվել անկախությանը: Հարցումն անցկացվել է հանրաքվեի փոխարեն Մադրիդի կենտրոնական իշխանությունների ճնշման հետևանքով: