Արսեն Ավակովի դեմ քրեական գործ է հարուցվել
Ուկրաինայի գլխավոր դատախազ Յուրի Լուցենկոն հայտարարել է երկրի ներքին գործերի նախարար Արսեն Ավակովի դեմ քրեական գործ հարուցելու մասին այն բանից հետո, երբ ստացել է Կոռուպցիայի հակազդման կենտրոնի ղեկավար Վիտալի Շաբունինի դիմումը։
«Օրական ես մի քանի տասնյակ մարդուց նամակներ եմ ստանում, այդ թվում՝ պարոն Շաբունինից, որի նամակի հիման վրա նույնպես քրեական գործ եմ հարուցել, դուք չեք հավատա՝ ում դեմ, ՆԳՆ ղեկավար Ավակովի, քանի որ բոլորը հավասար են»,- հայտարարել է Լուցենկոն «24» հեռուստաալիքին տված հարցազրույցում։
