Հայտնի է Ուզբեկստանի ժամանակավոր նախագահի անունը
Ուզբեկստանի վարչապետ Շևքեթ Միրզիևը նշանակվել է երկրի նախագահի պարտականությունների ժամանակավոր պաշտոնակատար, հայտնում է Interfax-ը:
Նշանակումը տեղի է ունեցել այսօր` երկրի խորհրդարանի վերին և ստորին պալատների համատեղ նիստի ընթացքում:
Հիշեցնենք, որ սեպտեմբերի 2-ին հայտարարվեց Ուզբեկստանի 79-ամյա նախագահ Իսլամ Քարիմովի մահվան մասին:
Երկիրն ավելի քան 26 տարի գլխավորած հանրապետության առաջին նախագահը հուղարկավորվել է Սամարղանդում սեպտեմբերի 3-ին:
Նրա հուղարկավորության կապակցությամբ ստեղծված պետական հանձնաժողովը գլխավորել էր Միրզիևը:
