Ինչպես են ընտրվում վճարովի կայանատեղերի համար նախատեսված փողոցները
Ճանապարհային ոստիկանությունը համագործակցում է Երևանի քաղաքապետարանի հետ՝ փողոցներում վճարովի ավտոկայանատեղերի համար նախատեսված վայրերի ընտրության հարցում: Այս մասին լրագրողների հետ հանդիպմանն ասաց Ճանապարհային ոստիկանության ճանապարհապարեկային ծառայության բաժնի պետ, ոստիկանության գնդապետ Նորիկ Սարգսյանը՝ անդրադառնալով հարցին՝ համագործակցում է ոստիկանությունը քաղաքապետարանի հետ վճարովի ավտոկայանատեղիների համար նախատեսված վայրերի ընտրության հարցում:
«Երբ որևէ փողոցում կարմիր գծեր գծելու հայտ է ներկայացվում, դա լինում է միայն ճանապարհային ոստիկանության համաձայնությունը ստանալուց հետո: Եթե կլինեն տարաձայնություններ, երթևեկության կանոնների խախտումներ, դրանք մեր կողմից անմիջապես շտկվում են»,- ասաց Ն. Սարգսյանը:
