Apple-ը նորացրել է այֆոնների գործառնական համակարգը
Apple կորպորացիան նորացրել է այֆոնների գործառնական համակարգն այն բանից հետո, երբ նախորդ տարբերակը խոցելի էր դարձել վնասաբեր ծրագրային միջոցների համար:
Ինչպես հայտնել է Lookout հետազոտական ընկերությունը, Trident անվանումով լրտեսական ծրագիրն օգտվում էր այֆոնների գործառնական համակարգի երեք խոցելի տեղերից՝ չարագործներին թույլ տալով լիակատար վերահսկողություն ստանալ շարժական սարքերի նկատմամբ:
Նշվում է, որ վնասաբեր ծրագրային ապահովման միջոցով հաքերները հետեւում էին օգտատերերին՝ Skype, Gmail, FaceTime եւ Mail.Ru հանրաճանաչ հավելվածների միջոցով հավաքելով նրանց անձնական տվյալները, հաղորդել է ՌԻԱ Նովոստին:
