«Գազիանտեպի պայթյունն իրականացրել է 12-14 տարեկան դեռահասը». Էրդողան
Թուրքիայի նախագահ Ռեջեփ Էրդողանը հայտարարել է, որ թուրքական Գազիանտեպ քաղաքի վրա հարձակումը, որի հետևանքով սպանվել է 51 մարդ, իրականացրել է 12-14 տարեկան դեռահասը, հայտնում է BBC-ն:
Ռումբի պայթյունի հետևանքով վնասվածք է ստացել 69 մարդ, որոնցից 17-ի վիճակը ծանր է:
Ահաբեկչության զոհերը հարսանեկան արարողության հյուրերն էին, որոնք դուրս էին եկել զվարճանալու քաղաքի փողոցներում:
Ավելի վաղ Էրդողանը պայթյունի իրականացման մեջ մեղադրել էր ԴԱԻՇ-ին: Էրդողանը հայտարարել էր, որ «տարբերություն չկա» թուրք քարոզիչ Ֆեթուլլահ Գյուլենի խմբավորման, «Քրդական աշխատավորական» կուսակցության և ԴԱԻՇ-ի միջև:
Ավելի վաղ դեպքի վայրից հայտնաբերվել էր մահապարտի գոտի:
Ինչպես նշում է BBC-ի թղթակիցը, Սիրիայի հյուսիսում` Գազիանտեպից հարավ ընկած հատվածում, ներկայումս մարտեր են ընթանում քրդական զինված խմբավորումների և ԴԱԻՇ-ի զինյալների միջև:
