Վհուկների որս. Ստամբուլի համալսարանի տասնյակ դասախոսներ են կալանավորվել
Թուրքական ոստիկանությունը հատուկ օպերացիա է անցկացնում Ստամբուլի համալսարանում Ֆեթուլլահ Գյուլենի շարժման կողմնակիցների դեմ, որոնք մեղադրվում են Թուրքիայում ձախողված ռազմական հեղաշրջմանն առնչություն ունենալու մեջ, գրում է թուրքական Sabah թերթը:
Օպերացիայի շրջանակում կալանավորվել է 62 դասախոս:
Ոստիկանությունը խուզարկություններ է անցկացնում համալսարանի աշխատակիցների աշխատասենյակներում, որոնք կասկածվում են Գյուլենի հետ կապեր ունենալու մեջ:
Ավելի վաղ Ստամբուլի համալսարանի 95 դասախոս էր ազատվել աշխատանքից, բացի այդ, ձերբակալվել էր նույն բուհի 31 դասախոս:
Ստամբուլի համալսարանը հիմնադրվել է 1453 թվականին: Այն երկրի ամենաառաջին համալսարաններից է և ամենախոշորը Թուրքիայում:
