ԱՄՆ-ը հայտարարել է, որ կշարունակի համագործակցությունը Թուրքիայի հետ` ահաբեկչությանը հակազդելու նպատակով
ԱՄՆ-ը կշարունակի համատեղ աշխատանքը Թուրքիայի հետ ահաբեկչությունների հակազդման հարցով, հայտարարել է Սպիտակ տան ազգային անվտանգության խորհրդի ներկայացուցիչ Նեդ Փրայսը:
«Մենք սերտ շփման մեջ ենք թուրքական իշխանությունների հետ և կշարունակենք աշխատել Թուրքիայի հետ ահաբեկչական խմբավորումների կողմից սպառնալիքի դեմ պայքարի շրջանակում»,- ասված է Փրայսի հայտարարության մեջ:
Սպիտակ տան ներկայացուցիչը նաև դատապարտել է Թուրքիայում նախօրեին իրականացված ահաբեկչությունները և ցավակցություն է հայտնել:
Երեկ երկու պայթյուն է որոտացել Թուրքիայի Էլյազըղ և Վան քաղաքներում: Էլյազըղում սպանվել է 5 մարդ, Վանում` 3: Պայթյունների հետևանքով վիրավորվել է 290 մարդ:
Երկրի նախագահ Ռեջեփ Էրդողանը հայտարարել է, որ տեղի ունեցածը ահաբեկչություն է և զինյալների վրեժը ձախողված հեղաշրջման համար:
