Նեյմարը ռեկորդ է սահմանել Օլիմպիական խաղերում
Երեկ կայացել են Ռիոյի Օլիմպիական խաղերի՝ տղամարդկանց ֆուտբոլի կիսաեզրափակիչ հանդիպումները: Առաջին խաղում հաղթանակ է տոնել Բրազիլիան, ով ջախջախել է Հոնդուրասին 6:0 հաշվով:
Այս հանդիպման ընթացքում ռեկորդի հեղինակ է դարձել բրազիլացի ֆուտբոլիստ Նեյմարը: Վերջինս բացել է խաղի հաշիվը արդեն իսկ հանդիպման 14-րդ վայրկյանին:
Այս արդյունքը լավագույնն է Օլիմպիական խաղերի պատմության ընթացքում:
Բրազիլիան եզրափակչում կմրցի Գերմանիայի օլիմպիական հավաքականի հետ, ով կիսաեզրափակչում հաղթեց Նիգերիայի հավաքականին:
Սիրարփի Աղաբաբյան
