«Կլիչկոյին ավելի ուժեղ կծեծեմ, քան առաջին անգամ». Թայսոն Ֆյուրի
Թայսոն Ֆյուրին վստահ է, որ ռևանշում ոչ մի շանս չի թողնի ուկրաինացուն:
«Ես ոչինչ չզգացի, երբ IBF-ը հետ վերցրեց գոտին: Նրանք ուղղակի հասկացան, որ ոչ ոք ինձ չի հաղթի, դրա համար էլ գողացան այդ գոտին: Հիմա ես առաջ եմ նայում: Ես ինձ լավ եմ զգում: Ես ծեծեցի Կլիչկոյին նախորդ մենամարտում և ավելի ուժեղ կծեծեմ ռևանշում: Իմ քաշում շատ մարզիկներ կան, որոնց հետ կարելի է մենամարտել, բայց մենք աշխատում ենք կազմակերպել հոկտեմբերին մենամարտ Վլադիմիրի դեմ: Հիմա ինձ, Կլիչկոյից բացի, ոչ ոք չի հետաքրքրում»,- ասել է Ֆյուրին:
Բռնցքամարտիկների միջև ռևանշ-մենամարտը տեղի կունենա աշնանը:
Պատրաստեց Անի Գաբուզյանը
