Թուրք դիվանագետը Ռուսաստան է փախել
![](https://168.am/wp-content/uploads/2016/08/pic_4d404a723214662541e0bd8e5044c529.jpg)
Բանգլադեշում Թուրքիայի հյուպատոսության աշխատակիցը Ռուսաստան է փախել Թուրքիայում ռազմական հեղաշրջման փորձին առնչություն ունենալու կասկածանքով, իսկ դիվանագիտական գործերում հավատարմատարը փախել է ԱՄՆ, հայտնում է Daily Star-ը` հղում կատարելով դիվանագիտական աղբյուրներին:
Պարբերականի տեղեկություններով` դիվանագետը եղել է Թուրքիայի դեսպանության այն 3 աշխատակիցների թվում, որոնց հետ էր կանչել Անկարան: Երկուսը, այդ թվում` գործերի հավատարմատար Ահմեդ Գուրբուզը, փախել են ԱՄՆ:
Ռուսաստան ուղևորված դիվանագետն իր հետ տարել է նաև իր ընտանիքի անդամներին: