Ռիո-2016. Սահմանվեց առաջին համաշխարհային ռեկորդը
Աչքի ընկավ հարավկորեացի նետաձիգ Կիմ Ուջինը:
Ուջինը ռեկորդ սահմանեց նետաձիգների մրցումներում՝ տղամարդկանց անհատական մրցաշարի առաջին ռաունդում 720 հնարավորից հավաքելով 700 միավոր:
Կորեացի նետաձիգը խփեց իր հայրենակից Իմ Տոն Հյունի 2012թ. Լոնդոնի Խաղերին սահմանած ռեկորդը (699 միավոր):
«Ես մյուսներից շատ եմ մարզվել և տրվել եմ դրան ամբողջությամբ: Բայց վաղն ավելի կարևոր մեկնարկ կա: Այնպես որ, այսօրվա արդյունքը ոչինչ չի նշանակում»,- Ուջինի խոսքերն է մեջբերում Օլիմպիադայի պաշտոնական կայքը:
Մեկնարկած Օլիմպիական խաղերում այս համաշխարհային ռեկորդը դարձավ առաջինը:
Պատրաստեց Անի Գաբուզյանը
