«Խիստ մտահոգիչ են բուժանձնակազմին ՊՊԾ գնդի տարածքում պահելու վերաբերյալ տեղեկությունները». ՄԻՊ
Մարդու իրավունքների պաշտպանին մտահոգում են ՊՊԾ գնդի տարածքում բուժանձնակազմին պահելու վերաբերյալ տեղեկությունները։ Այս մասին նշվում է ՄԻՊ տարածած հաղորդագրության մեջ։
«Մեզ համար խիստ մտահոգիչ են բուժանձնակազմին ՊՊԾ գնդի տարածքում պահելու վերաբերյալ տեղեկությունները: Դատապարտելի է բժշկական օգնություն ցուցաբերող անձնակազմերի նկատմամբ անգամ ոտնձգության որևէ փորձի կամ նման հնարավորություն:
Բժիշկներն իրականացնում են մարդկանց կյանքն ու առողջությունը փրկելու և դրանով հանդերձ՝ մարդասիրական բարձր առաքելություն: Այդ առաքելությունը միջազգային բոլոր պահանջներով ենթակա է անվերապահ պաշտպանության առանց որևէ բացառության»,- մասնավորապես ասված է հաղորդագրության մեջ:
