Հիլարի Քլինթոնը փոխնախագահի պաշտոնում է առաջադրել սենատոր Թիմաթի Քեյնին
Հիլարի Քլինթոնը կողմնորոշվել է ԱՄՆի փոխնախագահի թեկնածության հարցում: Նա Վիրջինիա նահանգից սենատոր Թիմաթի Քեյնն է: Դեմոկրատական կուսակցության շտաբում վստահ են, որ այդ քաղաքական գործիչը կօգնի Քլինթոնին հաղթել վարանող նահանգներում և ստանալ լատինամերիկացիների ձայները, քանի որ Քեյնը ազատ խոսում է իսպաներեն: Այս մասին հաղորդում է«vesti.ru»ին:
«Ուրախ եմ հայտարարել նախընտրական արշավում իմ գործընկերոջը: Նա սենատոր Թիմ Քեյնն է, ով նվիրել է իր կյանքը ուրիշների համար պայքարին», Twitterի իր միկրոբլոգում գրել է Հիլարի Քլինթոնը:
Իր ուրախության մասին Twitterում գրառում է կատարել նաև սենատոր Քեյնը: «Քիչ առաջ ինձ զանգահարել է Հիլարին: Պատիվ ունեմ լինելու փոխնախագահի թեկնածու»,գրել է Թիմ Քեյնը: Նա իր գրառումը կտարել է երկու լեզուներով` անգլերեն և իսպաներեն:
