ԱՄՆ դեմոկրատ կոնգրեսական Ջիմ Կոստան կժամանի Հայաստան
ԱՄՆ Կոնգրեսի դեմոկրատ ներկայացուցիչ Ջիմ Կոստան այսօր կժամանի Հայաստան` մասնակցելու Լեռնային Ղարաբաղի հակամարտության կարգավորման վերաբերյալ բանակցություններին, հայտնում է ամերիկյան abc30.com կայքը:
Կոստան ասել է, որ երկար ժամանակ որպես փաստաբան աշխատել է Կալիֆոռնիայի հովտում՝ հայերի հետ և հույս ունի, որ իր այցը խաղաղություն կբերի նրանց հայրենիքին:
«Ես կհանդիպեմ Հայաստանի նախագահի և խորհրդարանի անդամների հետ՝ որոշելու, թե ինչպես կարող ենք մենք Միացյալ Նահանգներում նպաստել այդ բանակցությունների հաջող լուծմանը»,- ասել է դեմոկրատ կոնգրեսականը:
Ջիմ Կոստան հայտնել է, որ իր ուղևորությունը կտևի 4 օր:
