Ջոն Քերին Վրաստանից ուղևորվել է Ուկրաինա
ԱՄՆ պետքարտուղար Ջոն Քերին լքել է Վրաստանը: Թբիլիսիի միջազգային օդանավակայանում նրան ճանապարհել են Վրաստանի արտգործնախարար Միխայիլ Ջանելիձեն, նրա տեղակալ Դավիթ Զալկալիանին և Վրաստանում ԱՄՆ դեսպան Յան Քելլին, հայտնում է «Գրուզիա օնլայնը»:
Թբիլիսիից ԱՄՆ պետքարտուղարն ուղևորվել է Կիև:
Քերին երեկ ժամանել էր Թբիլիսի, հանդիպել Վրատանի նախագահի, վարչապետի, ԱԳՆ ղեկավարի հետ, մասնակցել ԱՄՆ-Վրաստան ռազմավարական խարտիայի նիստին, իսկ այսօր հանդիպել Վրաստանի խորհրդարանի խոսնակ Դավիթ Ուսուպաշվիլիի և ընդդիմադիր «Ազգային շարժում» և «Ազատ դեմոկրատներ» կուսակցությունների ղեկավարների հետ:
