Հայաստանը և Վրաստանը առաջ են անցել Ադրբեջանից սոցիալական առաջընթացի վարկանշային աղյուսակում
The Social Progress Imperative նախագծի վերլուծական խումբը զեկույց է հրապարակել սոցիալական առաջընթացի վարկանշի մասին:
160 երկրից բաղկացած վարկանշային աղյուսակում Վրաստանը զբաղեցրել է 54-րդ հորիզոնականը, Թուրքիան՝ 58-րդ, Հայաստանը՝ 67-րդ, Ադրբեջանը՝ 77-րդ և Իրանը՝ 93-րդ հորիզոնականը:
Առաջատարը Ֆինլանդիան է՝ 90,06 միավորով: Առաջատարների հնգյակում են Կանադան, Դանիան, Ավստրալիան, Շվեյցարիան:
Վարկանշային աղյուսակի հետնապահներն են Չադը, Կենտրոնաաֆրիկյան Հանրապետությունը:
Վարկանշային աղյուսակը կազմվել է՝ հաշվարկելով ավելի քան 50 գործոն, որոնք միավորված են եղել 3 կատեգորիայում:
