Փրկարարները Միջերկրական ծովից դուրս են բերել EgyptAir-ի կործանված ինքնաթիռի ուղևորների մարմինները
Փրկարարները Միջերկրական ծովից դուրս են բերել EgyptAir-ի կործանված ինքնաթիռի ուղևորների մարմնամասերը, հայտարարել է աղետի հետաքննությամբ զբաղվող հանձնաժողովը:
Հանձնաժողովի տվյալով՝ մարդկանց մարմինները մոտ ժամանակներս կտեղափոխվեն Եգիպտոսի Ալեքսանդրիա քաղաք, որտեղ դրանք փոխանցվեն բժշկական փորձագետներին՝ ԴՆԹ-ի փորձաքննության նպատակով:
Ֆրանսիական John Lethbridge նավը կշարունակի որոնումներն ինքնաթիռի կործանման վայրում, որպեսզի համոզվի, որ բոլոր աճյունները դուրս են բերվել ջրից:
EgyptAir ավիաընկերության մարդատար ինքնաթիռը, որը կատարում էր Փարիզ-Կահիրե MS804 չվերթը, ռադարներից անհետացել էր մայիսի 19-ի վաղ առավոտյան Միջերկրական ծովի վրա` Եգիպտոսի օդային տարածքում: Օդանավում եղել են 66 ուղևորներ և անձնակազմի անդամներ:
