«Մանչեսթեր Յունայթեդը» մասնավոր ինքնաթիռ է ուղարկել Մխիթարյանի հետևից
Հայաստանի ազգային հավաքականի կիսապաշտպան Հենրիխ մխիթարյանը մոտ է «Մանչեսթեր Յունայթեդ» տեղափոխվելուն: Ինչպես հաղորդում է Daily Mailը, անգլիական ակումբի մասնավոր ինքնաթիռն ուրբաթ Դորտմունդից ժամանել է Մանչեսթեր, սակայն անգլիական ակումբի ղեկավարությունը չի հաստատում, որ ինքնաթիռով ժամանել է հենց Հենրիխ Մխիթարյանը:
Այնուամենայնիվ, կայքը գրում է, որ Մխիթարյանի տրանսֆերն արդեն իսկ համաձայնեցված է և առաջիկա ժամերին անգլիական ակումբը կհայտարարի ֆուտբոլիստին ձեռք բերելու մասին:
Նշվում է, որ Հենրիխ Մխիթարյանը կլինի անգլիական ակումբի նորանշանակ գլխավոր մարզիչ Ժոզե Մոուրինյոյի երկրորդ կարևոր ձեռքբերումը շվեդ հարձակվող Զլատան Իբրահիմովիչից հետո:
