Նեյմարը հայտարարել է «Բարսելոնայի» հետ պայմանագրի երկարաձգման մասին
Ֆլորենտինո Պերեսն այդպես էլ չստացավ 24-ամյա հարձակվողին:
«Երջանիկ եմ հայտարարել, որ երազանքը շարունակվելու է իրական կյանքում: Առա՛ջ, Բարսա, առա՛ջ, Կատալոնիա»,- գրել է Նեյմարը:
Հինգշաբթի «Բարսելոնայի» նախագահ Խոսեպ Բարտոմեուն հայտարարել էր, որ պայմանագիրը Նեյմարի հետ պաշտոնապես կերկարաձգվի մոտ օրերը:
Սպասվում է, որ Նեյմարի նոր համաձայնագիրը նախատեսված կլինի մինչև 2021թ.:
Բրազիլացին «Բարսելոնայի» կազմում հանդես է գալիս 2013 թվականից: Նախորդ մրցաշրջանի 49 խաղերում նա խփել է 31 գնդակ և օգնել է կատալոնացիներին հաղթել առաջնությունը և Իսպանիայի գավաթը:
Պատրաստեց Անի Գաբուզյանը
