Հովիկ Աբրահամյանը հանձնարարականներ է տվել՝ ներկրումների հետ կապված
ՀՀ վարչապետ Հովիկ Աբրահամյանն այսօր էկոնոմիկայի նախարար Արծվիկ Մինասյանին հանձնարարեց փաստաթուղթ կազմել, որտեղ կներկայացվեն ներկրումներ իրականացնելու համար անհրաժեշտ փաստաթղթերը: Ըստ նրա՝ գործարարներին պետք է հասանելի լինի, թե ինչ փաստաթղթեր են հարկավոր ներկրումներ իրականացնելու համար, նաև՝ որպեսզի մյուս մարմիններում արհեստական խոչընդոտներ չլինեն:
Վարչապետը ՊԵԿ-ին էլ հանձնարարեց ստեղծել հարկային և մաքսային հավասար պայմաններ ներկրողների համար: Նա նշեց, որ անհրաժեշտ է ականջալուր լինել բոլոր հայտարարություններին, արագ լուծումներ տալ, եթե դրանք համապատասխանում են օրենքի պահանջներին:
