Ադրբեջանի բանկերը խնդիրներ ունեն կապիտալիզացիայի հետ. Fitch
Ադրբեջանի բանկերը, որոնք ունեն դոլարիզացիայի բարձր մակարդակ, լրջորեն տուժել են ազգային արժույթի դևալվացիայից: Այս մասին ասվում է միջազգային վարկանշային Fitch գործակալության Dollarisation in CIS/Georgian Banking Sectors զեկույցում:
Զեկույցի համաձայն՝ ԱՊՀ երկրների և Վրաստանի բանկերը նույնպես տուժել են ազգային արժույթների արժեզրկման հետևանքով:
«Առավել շատ են տուժել Ադրբեջանի և Ուկրաինայի բանկերը, որտեղ բանկերը չեն ստացել նորմատիվային աջակցություն: Ղազախստանի, Ռուսաստանի, Վրաստանի և Բելառուսի բանկերը մասնակի պաշտպանված են եղել պետական աջակցության միջոցառոմներով»,- ասված է զեկույցում:
Զեկույցի հեղինակների կարծիքով՝ տարածաշրջանում տնտեսական անկումը, հիմնականում պայմանավորված հումքային ապրանքների ցածր գների պատճառով, խնդիրներ են ստեղծել ադրբեջանական բանկերի համար:
