Կրթական ցուցահանդես-Աշխարհի լավագույն դպրոցների ու բուհերի ներկայացուցիչները Երևանում
Հայազգի դպրոցականներն ու ուսանողները կտեղեկանան արտերկրում կրթական և կրթաթոշակային հնարավորություններին, իսկ պայծառ հայազգի դպրոցականները կրթաթոշակներ կստանան արտերկրում ուսանելու համար:
Հայաստան են ժամանել Միացյալ Թագավորությունում, ԱՄՆ-ում, Թայլանդում, Լեհաստանում և Հայաստանում գործող միջազգային միջնակարգ/ավագ դպրոցների և համալսարանների ներկայացուցիչներ:
Մայիսի 14-ին Կոնգրես Հյուրանոցի Պիկասո սրահում 15։00-ից սկսվող կրթական ցուցահանդեսին նրանք հայ ուսանողներին և նրանց ընտանիքներին կներկայացնեն կրթական, ինչպես նաև մրցութային կարգով պայծառ հայազգի դպրոցականներին առաջարկվող կթաթոշակային հեռանկարները:
Բուն կրթական ցուցահանդեսին կնախորդի կազմակերպիչների մամուլի ասուլիսը։ Մամուլի ասուլիս՝ Կոնգրես Հյուրանոց, Պիկասո սրահ, մայիսի 14, ժամը 14:30:
Կրթական ցուցահանդեսը կազմակերպում է «Գլոբալ Բրիջ» ուսումնական կենտրոնը:
Ցուցահանդեսին մասնակցում են հետևյալ ուսումնական հաստատությունները՝
- UWC Հայաստան
- Լեհաստասնի Հումանիտար Համալսարան
- Փեդուորթ Միջազգային Դպրոց, ՄԹ
- Արմակադ
- Ռիջենթս Դպրոց, Բանգկոկ
- Ռոչեսթերի Տեխնոլոգիական Համալսարան, Դուբայ
- Սթադի Գրուփ
- Թայլանդի Ռիջենթս դպրոց
- INTO, ԱՄՆ (Հարավային Ֆլորիդայի (South Florida) Համալսարան, Օրեգոնի Պետական Համալսարան, Կոլորադոյի Պետական Համալսարան, Մարշալի Համալսարան, Ջորջ Մեսոնի Համալսարան)
- INTO, ՄԹ (Էքզետերի Համալսարան, Նյուքասլի Համալսարան, Բելֆասթի Համալսարան, Սթերլինգի Համալսարան, Իսթ Անգլիայի Համասրանան
- Գլոբալ Բրիջ ուսումնական կենտրոն
- Ամառային Դպրոցներ
Կրթաթոշակներ տրամադրում են հետևյալ դպրոցները`
Ռիջենթս Միջազգային Դպրոց, Բանգկոկ, Թաիլանդ` ուսման և կացության արժողության մինչև 100% -ի հասնող կրթաթոշակ:
Փեդուորթ Միջազգային Դպրոց, ՄԹ` ուսման արժողության 50%-ի հասնող կրթաթոշակ:
Կրթաթոշակային մրցույթներն անցկացնում է «Գլոբալ Բրիջ» ուսումնական կենտրոնը: Կրթաթոշակները տրվում են ՋիՍիԷսԻ (GCSE), Էյ լեվել (A-level), և Միջազգային Բակալավրիատ (IB) ծրագրերով ուսանելու համար:
Նշենք, որ տվյալ ծրագրերն ավարտելուց հետո դպրոցականները հնարավորություն ունեն ընդունվել աշխարհի ցանկացած համալսարան: Տվյալ կրթաթոշակային ծրագրերով ուսանած հայազգի ուսանողները նախկինում արդեն ընդունվել են աշխարհի լավագույն համալսարաններ, ինչպիսիք են Լոնդոնի Համալսարանային Քոլեջը (UCL), Տորոնտոյի համալսարանը, Քեմբրիջի Համալսարանը և այլն, և ֆինանսավորվել են ԼՈՒՅՍ հիմնադրամի կողմից:
Կրթական ցուցահանդեսի մասին այլ մանրամասներին կարելի է ծանոթանալ այստեղ` ԿՐԹԱԿԱՆ ՑՈՒՑԱՀԱՆԴԵՍ ԵՐԵՎԱՆՈՒՄ
