Դաջվածքների սիրահարներն սկսել են սևով ներկել մարմինները
Դաջվածքների սիրահարների շրջանում մոդայիկ նոր միտում է դիտվում: Ակվարելային նկարներին, գունավոր պատկերներին եւ բարդ նախշերին փոխարինելու են եկել սեւ դաջվածքները, որոնք ամբողջովին ծածկում են մարմնամասերը: Այդ մասին գրում է The Daily Mail թերթը:
Հաճախ այդպիսի դաջվածքով պատում են ոտքերը կամ ձեռքերը՝ ազատ թողնելով մաշկի միայն ոչ մեծ հատվածներ: Ոմանք նաեւ դաջվածքներն անում են մեջքին եւ որովայնին:
Դաջվածքների այդ ոճն ստացել է բլեքվորք անվանումը. աշխատանքներն արվում են մեծ մակերեսի վրա՝ սեւ գույնի օգտագործմամբ:
Երբեմն այդ տեխնիկային են դիմում՝ ծածկելու համար հին աշխատանքները: Հետագայում այդ դաջվածքները ձեւափոխելը գործնականում անհնարին է:
