«Ես և Մյուլլերը կարող ենք դաշտում գտնել միմյանց փակ աչքերով». Ռոբերտ Լևանդովսկի
Մյունխենի «Բավարիայի» հարձակվող Ռոբերտ Լևանդովսկին պատմել է հարձակման գծում իր և Թոմաս Մյուլլերի համագործակցության մասին:
«Մենք Թոմասի հետ շատ լավ հարաբերություններ ունենք: Մեր միջև այնպիսի փոխըմբռնում կա, որ նույնիսկ կարիք չունենք միմյանց տեսնելու:
Ցանկացած պահի Թոմասը գիտի, թե ես որտեղ եմ և ինչպես եմ շարժվում: Նույնը կարող եմ ասել նաև իմ մասին: Մենք շատ լավ ենք ուսումնասիրել մեկս մյուսին, և այդ պատճառով նույնիսկ կարող ենք չխոսել խաղի ընթացքում»,- ասել է Լևանդովսկին:
Բունդեսլիգայի ընթացիկ մրցաշրջանում Լևանդովսկին և Մյուլլերը խփել են համապատասխանաբար՝ 23 և 17 գնդակ:
Պատրաստեց Անի Գաբուզյանը
