Կայացել է «Ոսկե գլոբուս» ամենամյա մրցանակաբաշխությունը
Լոս Անջելեսում կայացել է Միջազգային կինոմամուլի ասոցիացիայի «Ոսկե գլոբուս» ամենամյա մրցանակաբաշխության հանդիսավոր արարողությունը, որը վարել է բրիտանացի կատակերգու Ռիկի Ջերվեյսը: Այս մասին հայտնում է BBC-ն։
Ավանդաբար համարվում է, որ «Ոսկե գլոբուսի» հաղթողները ամերիկյան կինոակադեմիայի «Օսկար» մրցանակի հավանական հավակնորդներն են:
Եվ այսպես, երկրորդ պլանի լավագույն դերասանուհի է ճանաչվել Քեյթ Ուինսլեթը («Սթիվ Ջոբս») ֆիլմի համար, երկրորդ պլանի լավագույն դերասանուհի (սերիալում կամ հեռուստատեսաին ֆիլմում)` Մորա Տիրնին («Սիրեկանները»): Սերիալի (կատակերգություն) լավագույն դերասանուհի է ճանաչվել Ռեյչել Բլումը («Խելագար նախկինը»):
Լավագույն կատակերգական սերիալ է ճանաչվել «Մոցարտը ջունգլիներում»:
Լավագույն մինի-սերիալ կամ հեռուստատեսային ֆիլմ է ճանաչվել BBC-ի «Գայլի սրահ» (Wolf Hall) բեմադրությունը:
Մինի-սերիալի կամ հեռուստատեսային ֆիլմի լավագույն դերասանը Օսկար Այզեքն է («Ցույց տվեք ինձ հերոսին»)։
Սերիալի կամ հեռուստատեսային ֆիլմի երկրորդ պլանի լավագույն դերասանը Քրիստիան Սլեյթերն է («Պարոն Ռոբոտ»):
Լավագույն սաունդթրեք՝ Էնիո Մորիկոնե («Զզվելի ութնյակը»)
Սերիալի (դրամա) լավագույն դերասան՝ Ջոն Հեմ («Խելագարները»)
Կատակերգական լավագույն դերասանը Մեթ Դեյմոնն է («Մարսիացին»):
Լավագույն անիմացիոն ֆիլմ՝ «Գլուխկոտրուկ» (Inside Out)
Երկրորդ պլանի լավագույն դերասան՝ Սիլվեստր Ստալոնե («Համոզմունք. Ռոկկիի ժառանգությունը»)
Լավագույն սցենար՝ «Սթիվ Ջոբս»
Կատակերգական սերիալի լավագույն դերասան՝ Գաել Գարսիա Բերնալ («Մոցարտը ջունգլիներում»)
Կատակերգական լավագույն դերասանուհի՝ Ջենիֆեր Լոուրենս («Ջոյ»)
Օտարերկրյա լավագույն ֆիլմ՝ «Սաուլի որդին»
Գեղարվեստական ֆիլմի (դրամա) լավագույն դերասան՝ Լեոնարդո դի Կապրիո
Գեղարվեստական ֆիլմի (դրամա) լավագույն դերասանուհի՝ Բրի Լարսոն («Սենյակ»)
Լավագույն ֆիլմ՝ «Վերապրածը» (The Revenant)
Լավագույն կատակերգական ֆիլմ՝ «Մարսիացին» (The Martian)
Լավագույն ռեժիսոր՝ Ալեխանդրո Գոնսալես Ինիարիտու (The Revenant):
«Ոսկե գլոբուսը» շնորհվում է 1944 թվականից:
