Փարիզի ահաբեկչություններից 3 շաբաթ անց Eagles of Death Metal-ը U2-ի հետ ելույթ կունենա Փարիզում
Eagles of Death Metal ռոք խումբը, որի համերգի ժամանակ էր տեղի ունեցել հարձակումը Փարիզի «Բատակլան» թատրոնում, ելույթ կունենա Ֆրանսիայի մայրաքաղաքում դեկտեմբերի 6-ին, հայտնում է Billboard-ը:
Ենթադրաբար, խումբը U2-ին կմիանա AccorHotels Arena հարթակում նրանց վերջին ելույթի ժամանակ: Թե ինչ երգ միասին կկատարեն երաժիշտները, չի հաղորդվում:
Ամսագրի աղբյուրները հայտնում են, որ խմբի հիմնադիր Ջոշ Օմը նույնպես մասնակցություն կունենա համերգին, թեև սովորաբար նա չի շրջագայում EoDM-ի հետ ու ահաբեկչության ժամանակ բեմի վրա չի եղել:
Eagles of Death Metal-ի ընդհատված եվրոպական շրջագայությունը կվերսկսվի 2016թ. փետրվարին: U2-ն պետք է ելույթ ունենար Փարիզի ահաբեկչություններից 1 օր անց, սակայն այն ժամանակ համերգը չեղյալ էր հայտարարվել:
Հիշեցնենք, որ Eagles of Death Metal-ի համերգի ժամանակ իսլամիստների հարձակման հետևանքով սպանվել էր 89 մարդ, ևս 41 մարդ այդ երեկոյան սպանվել էր Փարիզի տարբեր շրջաններում իրականացված հարձակումների հետևանքով:
