Տյանցզինի պահեստում տեղի ունեցած սարսափելի պայթյունից հետո ողջ մնացած մարդ է հայտնաբերվել
Երեկ փրկարարները Չինաստանի Տյանցզին քաղաքի պահեստում տեղի ունեցած փլատակների տակից դուրս են բերել ողջ մնացած մարդու, հայտնում է BBC-ի ռուսական ծառայությունը:
Հիշեցնենք, որ նախօրեին քաղաքի արդյունաբերական հատվածում պայթյուն էր որոտացել, որի ալիքը զգացվել է մի քանի կիլոմետր շառավղով հատվածում:
Դրանից կես րոպե անց հետևել էր երկրորդ պայթյունը:
Պայթյունին զոհ է գնացել նվազագույնը 50 մարդ, ևս 700 մարդ հոսպիտալացվել է տարբեր աստիճանի վնասվածքներով:
Քաղաքային իշխանությունները երեկ հայտարարել են, որ հետաքննում են տեղի ունեցածի հետևանքները:
