Թուրքիայի ընդդիմությունը վերջնագիր է ներկայացրել Էրդողանին
![](https://168.am/wp-content/uploads/2012/08/erdoxan.jpg)
Թուրքիայի ընդդիմադիր Ժողովրդահանրապետական կուսակցությունը պայմաններ է առաջադրել «Արդարություն և զարգացում» կուսակցության հետ կոալիցիոն կառավարություն ձևավորելու համար, հայտնում է թուրքական Kanal7-ը:
Հեռուստաալիքի տեղեկություններով՝ համաձայն ընդդիմության պայմանների՝ կուսակցության առաջնորդ Քեմալ Քըլըչդարօղլու 2 տարով պետք է դառնա երկրի վարչապետ:
Բացի այդ՝ Թուրքիայի խորհրդարանը պետք է գլխավորի Ժողովրդահանրապետական կուսակցության անդամներից մեկը: Ընդդիմությունը նաև պահանջում է արդարադատության, ներքին գործերի, կրթության նախարար նշանակել Ժողովրդահանրապետական կուսակցության իր պատգամավորներից: