Պորոշենկոն ուժեղացրել է Սաակաշվիլիի անվտանգությունը
Վրաստանի նախկին նախագահ, Օդեսայի մարզի նորանշանակ ղեկավար Միխայիլ Սաակաշվիլիին կպաշտպանեն ուկրաինացի հատուկ ջոկատայինները:
Այս մասին վերջինս հայտնել է վրացական «Ռուսթավի-2» հեռուստաընկերության հետ զրույցում:
Հրամանը ստորագրել է անձամբ Ուկրաինայի նախագահ Պյոտր Պորոշենկոն:
«Ինձ կպաշտպանի հատուկ նշանակության ստորաբաժանման խումբը: Այստեղ ավելի ուժեղացված պահպանություն է, քան Կիևում էր»,- ասել է նա:
Սաակաշվիլիի խոսքով՝ դա բացարձակ չի նշանակում, թե ինքը այդպես պաշտպանվում է ժողովրդից:
Նա ասել է, որ անվտանգության սպառնալիք շրջանում կա, սակայն «Մենք դրան պատրաստ ենք»:
