Գերմանիան վիզային ռեժիմի ազատականացման հարցում քաղաքական աջակցություն է հայտնել Վրաստանին
Грузия Online-ի փոխանցմամբ` Գերմանիայի կանցլեր Անգելա Մերկելը Ռիգայում Վրաստանի վարչապետ Իրակլի Գարիբաշվիլիի հետ հանդիպման ժամանակ աջակցություն է հայտնել վիզային ռեժիմի ազատականացման խնդրին:
Հանդիպման ժամանակ Մերկելն ու Գարիբաշվիլին քննարկել են վերջին շրջանում Վրաստանի իրականացրած հաջող բարեփոխումները: Ընդգծվել է վերջին երկու տարում վրաց-գերմանական գործընկերային հարաբերությունների խորացման հարցում ձեռք բերված առաջընթացը:
Կողմերը քննարկել են նաև երկու երկրների տնտեսական հարաբերությունների դրական դինամիկան և ընդգծել են, որ Գերմանիան գտնվում է Վրաստանի խոշորագույն առևտրային գործընկերների առաջին տասնյակում:
Գարիբաշվիլին ընդգծել է Վրաստանի կողմից բարեփոխումներ իրականացնելու գործընթացին Գերմանիայի աջակցելը և հայտարարել է, որ Գերմանիան Վրաստանի դոնորների թվում երկրորդն է:
