Ադրբեջանում նոր թափ է հավաքում «օլիգարխգեյթը»
Qafqazinfo-ի փոխանցմամբ` Ադրբեջանում նոր թափ է հավաքում «օլիգարխգեյթը»: Երկրում կալանավորված օլիգարխների թիվը համալրվել է ևս երեք անձով:
ՆԳՆ-ի Կազմակերպված հանցավորության դեմ պայքարի վարչության աշխատակիցները ձերբակալել են Riyad-Farm դեղագործական ընկերության սեփականատեր Հասան Շարիֆովին ու ընկերության գործադիր տնօրեն Ագիլ Գուլիևին:
Կալանքի տակ վերցված գործարարների թվում հայտնվել է նաև Զաքաթալայի «Սիմուրգ» ֆուտբոլային ակումբի նախագահ Անար Բեքիրովը: Ադբերջանում օլիգարխների նկատմամբ որս է հայտարարվել մայիսի 13-ին:
Սրանից առաջ հաղորդվել էր AzMeCo ընկերության ղեկավար Նիզամի Փիրիևի, «Ազերիինշաաթ» ընկերության տնօրեն Մեհդի Ալիևի, Շեկի քաղաքի գործադիր իշխանության նախկին ղեկավարներ Մուրադ Ջաբարլիի ու Աբդուլ Անցուխսկու կալանավորման մասին:
Բացի այդ, հարցաքննվել են մի շարք օլիգարխներ: Երկու ամիս առաջ Ադրբեջանի միջազգային բանկի ղեկավարի պաշտոնից հեռացվել էր Ջհանգիր Գաջիևը:
