Գյումրեցի ընտանիքի երեխաները թերսնումից հիվանդացել են
«Շիրակ կենտրոնի» աշխատակիցները, կոմունալ-կենցաղային և հիգիենիկ տարրական պայմաններից զուրկ, խարխուլ վագոն-տնակներում, գրեթե ամեն օր ականատես են լինում, թե ինչպես են հարյուրավոր երեխաներ տառապում թերսնվածությունից:
Տեսանյութում ներկայացված երիտասարդ ընտանիքը, իրենց երեք մանկահասակ երեխաների հետ ապրում են քարուքանդ ավտոտնակի կտուրում տեղադրված տնակում: Նրանք զրկված են անգամ խմելու ջրից՝ պարտքի պատճառով վաղուց նրանց ջրի ծորակը կնիքված է: Սոցիալական ծանր պայմաններում բնակվող այս ընտանիքի երեխաները տառապում են ոչ միայն թերսնվածությունից, այլ նաև հազվադեպ են դուրս գալիս փողոց՝ մաքուր օդ շնչելու:
Դուք նույնպես կարող եք աջակցել «Ջերմություն վագոն-տնակներում պատսպարված ընտանիքներին» ամենամյա բարեգործական ձեռնարկին:
