Վլադիմիր Պուտինը Սլոբոդան Միլոշևիչն է, սակայն շատ ավելի վտանգավոր է. The Guardian
![](https://168.am/wp-content/uploads/2015/02/103773.jpeg)
Բրիտանական The Guardian թերթի փոխանցմամբ՝ Ռուսաստանի նախագահ Վլադիմիր Պուտինը (Սերբիայի նախկին նախագահ) Սլոբոդան Միլոշևիչն է, սակայն շատ ավելի վտանգավոր է: Կեղծիքի շղարշի ներքո նա համառորեն շարունակում է կեղծ հանրապետություններ կառուցել Ուկրաինայի արևելքում:
Հակամարտության հետևանքով Ուկրաինայում զոհվել է ավելի քան 5000 մարդ, իսկ ևս 500.000-ը դարձել են հարկադիր վերաբնակներ: Դոնեցկի օդանավակայանը ներկայումս հիշեցնում է Սիրիան: Այդ ընթացքում Եվրոպան զբաղված է Հունաստանի խնդիրներով և չի նկատում, որ իր սահմանին տեղի են ունենում Բոսնիայի ու Հերցեգովինայի պատերազմի նման իրադարձություններ:
Եվրոպան պետք է արթնանա: Անհրաժեշտ է կանգնեցնել Պուտինին, սակայն ինչպե՞ս: Արևմուտքն առաջին հերթին պետք է սպառազինի Ուկրաինային: Դիվանագիտության համար դեռ չեն հասել հարմար ժամանակներ: Պուտինի ռեժիմն արդեն իսկ մտածելակերպ է կառուցում ազգայնականության ու Արևմուտքի դեմ քարոզչության հիման վրա: Եթե չկան սպառնալիքներ, ռուսական հեռուստատեսությունը կհորինի դրանք:
Պուտինի, ինչպես նաև Միլոշևիչի համար չկան արգելված մեթոդներ: Նա ռուսամետ ահաբեկիչներին տրամադրում է ծանր սպառազինություն, էներգետիկ մատակարարումներով շանատաժի է ենթարկում եվրոպացիներին, կազմակերպում է կիբեր հարձակումներ ու անգլալեզու մեդիայի քարոզչության օգնությամբ ճնշում է գործադրում եվրոպացիների վրա:
Եվ բացի այդ, ռուսական ռմբակոծիչները թռչում են Լա Մանշի վրայով՝ սպառնալիք ստեղծելով քաղաքացիական ինքնաթիռների համար: Պուտինի ագրեսիվ քաղաքականությունից տանուլ են տալիս ռուսաստանցիները, և հատկապես այն ռուսները, որոնք բնակվում են Ղրիմում ու Դոնբասում, քանի որ Ռուսաստանը պարտվելու է վերջին հաշվով: