Լոնդոնը կանչել է ռուս դիվանագետին
Բրիտանիայի ԱԳՆ-ն կանչել է ՌԴ ժամանակավոր հավատարմատարին՝ Լայպցիգի օդանավակայանում տեղի ունեցած միջադեպի պատճառով:
Միացյալ Թագավորության ԱԳՆ-ում ընդգծել են, որ դիվանագետին խիստ կերպով հայտնել են գրոհի դատապարտումը: Նշվել է, որ Լոնդոնն այս միջադեպը դիտարկում է որպես Մոսկվայի՝ «Եվրոպայի հավաքական անվտանգությունը խարխլելու հստակ փորձերի շարքի» մաս:
«Բրիտանիան ՆԱՏՕ-ի և Եվրոպայի իր դաշնակիցների հետ միասին շարունակելու է բացահայտել Ռուսաստանի թշնամական գործունեությունը բոլոր մակարդակներում»,- հավելել են գերատեսչությունում:
