Ուկրաինան համաձայնել է սառեցնել հակամարտությունը Ռուսաստանի հետ․ Սիբիգա
Ուկրաինայի արտաքին գործերի նախարար Անդրեյ Սիբիգան շնորհակալություն է հայտնել Ղազախստանի նախագահ Կասիմ-Ժոմարտ Տոկաևին՝ ՌԴ նախագահ Վլադիմիր Պուտինին ուղղված ուղերձի համար, որով նա կոչ է արել դադարեցնել պատերազմը։
«Մենք շնորհակալություն ենք հայտնում նախագահ Տոկաևին Պուտինին ուղղված իր ուղերձի համար, որ եկել է պատերազմը դադարեցնելու ժամանակը։ Սա իրատեսական, ժամանակին և իմաստուն ուղերձ է», — գրել է Սիբիգան։
Նրա խոսքով՝ Ուկրաինան առաջարկել է դադարեցնել պատերազմը ներկայիս ճակատային գծի երկայնքով և անցնել դիվանագիտական կարգավորմանը, սակայն Կրեմլը շարունակում է մերժել խաղաղության ուղին։
