Իրանում չեն բացառում ԱՄՆ-ի հետ բանակցությունները՝ ռազմավարական առավելության հասնելուց հետո
Իրանի արտգործնախարար Աբբաս Արաղչին կարծում է, որ իր երկիրը կարող է ավարտել ԱՄՆ-ի հետ ռազմական հակամարտությունն ու անցնել հակամարտության կարգավորման բանակցություններին միայն այն ժամանակ, երբ առավելության հասնի ռազմադաշտում։
«Պատերազմի ավարտը հնարավոր է կամ բացարձակ ռազմական հաղթանակով, կամ էլ բանակցությունների միջոցով։ Բանակցությունների ճիշտ պահը հենց այն պահն է, երբ ռազմական ճակատում հասել ես հուսալի դաշտային ու ռազմավարական ձեռքբերումների»,- «ԻՌՆԱ» գործակալությանը տված հարցազրույցում հայտարարել է Արաղչին, փոխանցում է «Al Jazeera» հեռուստաալիքը։
Հրապարակման համաձայն՝ արտգործնախարարը նշել է, որ Իրանը կավարտի ԱՄՆ-ի հետ ռազմական հակամարտությունն այն ժամանակ, երբ «առավելություն ունենա ռազմադաշտում»։
Նախարարի խոսքով՝ ամենակարևորը մարտական գործողությունների դադարեցման և բանակցությունների սկսման պահի ճիշտ որոշումն է։
«Չես կարող ռիսկի դիմել մարդկանց կյանքի և երկրի ճակատագրի հաշվին։ Որոշումները պետք է կայացվեն ճշգրիտ և ամբողջական հաշվարկների հիման վրա»,- հավելել է Արաղչին։
