Էրդողանը վստահ է, որ Թուրքիան կվերադառնա F-35 կործանիչի արտադրության ծրագրին
Թուրքիայի նախագահ Ռեջեփ Թայիփ Էրդողանը վստահություն է հայտնել, որ իր երկիրը կվերադառնա ԱՄՆ-ի նոր սերնդի F-35 կործանիչի արտադրության ծրագրին։
«Հավատում եմ, որ կառուցողական և արդյունավետ քննարկումները, որոնք մենք անցկացրել ենք իմ հարգարժան ընկերոջ՝ ԱՄՆ նախագահ [Դոնալդ] Թրամփի հետ, կհանգեցնեն կոնկրետ արդյունքների, որոնք կհամապատասխանեն մեր երկրի ակնկալիքներին պաշտպանական արդյունաբերության ոլորտում, մասնավորապես՝ մեր ազգային Kaan կործանիչի [արտադրության] և F-35 ծրագրի վերաբերյալ», – X-ում գրել է Էրդողանը՝ ամփոփելով հուլիսի 7-8-ին Անկարայում անցկացված ՆԱՏՕ-ի գագաթնաժողովի արդյունքները։
Ավելի վաղ գագաթնաժողովի արդյունքներով կայացած մամուլի ասուլիսում ելույթ ունենալիս թուրք առաջնորդը հայտնել էր, որ Թրամփը դրական է վերաբերվում Թուրքիային F-35 կործանիչների մատակարարմանը։ Իսկ ԱՄՆ նախագահն ինքը հայտարարել էր, որ այս հարցի շուրջ դեռևս որոշում չի կայացրել։
Թուրքիան 2017 թվականին Ռուսաստանից ձեռք էր բերել Ս-400 ՀՕՊ համակարգերի չորս դիվիզիոն՝ 2,5 մլրդ դոլար արժողությամբ։ 2019 թվականի հոկտեմբերին «Ռոսօբորոնէքսպորտ» ընկերությունը (մտնում է «Ռոստեխ» պետական կորպորացիայի կազմի մեջ) հայտնել էր, որ համակարգերի մատակարարման պայմանագիրը կատարվել է։ Թուրքիայի և Ռուսաստանի միջև Ս-400-ի գնդային համալիրի մատակարարման պայմանագրի կնքումից հետո Անկարան դուրս էր մնացել ԱՄՆ-ի նոր սերնդի F-35 կործանիչների ստեղծման ծրագրից։
