ԱՄՆ-ի արևելյան ափին անոմալ շոգից հետո սպասվում են ջրհեղեղներ
ԱՄՆ-ի Ատլանտյան ափի նահանգներում, ինչպես նաև երկրի որոշ այլ հատվածներում, հայտարարվել է ջրհեղեղների վտանգի մասին, հայտնում է ABC News-ը։
«Ավելի քան 60 մլն մարդ Օհայոյից մինչև Մասաչուսեթս և Վիրջինիա պատրաստվում է հնարավոր ջրհեղեղների՝ ուժեղ շոգից հետո, որը տոնական հանգստյան օրերին նկատվել է Արևելյան ափին», – նշում է հեռուստաալիքը։
Ըստ կանխատեսումների՝ Նյու Յորք նահանգը և Լոնգ Այլենդը կարող են հայտնվել փոթորկային գոտու էպիկենտրոնում։ Ուժեղ անձրևներ սպասվում են նաև Կոնեկտիկուտում, Ռոդ Այլենդում և Մասաչուսեթսում։
Դեռ կիրակի Նյու Յորքի քաղաքապետ Զոհրան Մամդանին տեսաուղերձով դիմել էր քաղաքի բնակիչներին՝ նախազգուշացնելով վատ եղանակի հնարավոր վտանգավոր հետևանքների մասին։
Նյու Յորքի և Նյու Ջերսիի օդանավակայաններում արդեն չեղարկվել են հարյուրավոր ավիաչվերթներ։
Անձրևները հանգստյան օրերին սկսվել են նաև ԱՄՆ-ի մայրաքաղաքում։ Դրանց պատճառով ԱՄՆ նախագահ Դոնալդ Թրամփը մի քանի ժամով հետաձգել է Վաշինգտոնի կենտրոնում Անկախության օրվա առթիվ նախատեսված իր ելույթը։
