ՌԴ ԱԳՆ-ն նշել է ռուսաֆոբիայի բարձր մակարդակ ունեցող երկրները
Ռուսաֆոբիայի խնդիրը լայն տարածում է գտել Բալթյան երկրներում, ինչպես նաև Ուկրաինայում և Մոլդովայում, ՌԻԱ Նովոստիին ասել է Ռուսաստանի Արտաքին գործերի նախարարության մարդու իրավունքների բազմակողմ համագործակցության վարչության տնօրեն Գրիգորի Լուկյանցևը։
«Սրանք Բալթյան երկրներն են, Ուկրաինան, Մոլդովան և մի շարք այլ երկրներ, որտեղ մեր քաղաքացիները ենթարկվում են, առայժմ ես կխուսափեի «որս» տերմինից, բայց մեզ համար արդեն լիովին ակնհայտ է, որ բախվում ենք քսենոֆոբիայի նոր ձևի, որը կոչվում է «ռուսաֆոբիա»։ Այս խնդիրը լայն տարածում է գտել», – ասել է Լուկյանցևը։
Արտգործնախարարությունը բազմիցս հայտարարել է, որ Բալթյան երկրները հստակորեն հաստատել են իրենց կարգավիճակը՝ որպես Ռուսաստանի նկատմամբ ծայրահեղ թշնամական պետություններ։ Միևնույն ժամանակ, Մոսկվան բազմիցս հաստատել է, որ չի սպառնում այլ պետությունների։ 2023 թվականի դեկտեմբերին Վլադիմիր Պուտինը նշել է, որ ռուսաֆոբիան լայն տարածում է գտել Բալթյան երկրներում՝ Ուկրաինայում Ռուսաստանի հատուկ ռազմական գործողության սկսվելուց շատ առաջ։
