Վենսը կարող է այսօր մեկնել Շվեյցարիա՝ մասնակցելու Իրանի հետ բանակցություններին
ԱՄՆ փոխնախագահ Ջ.Դ. Վենսը կարող է շաբաթ օրը մեկնել Շվեյցարիա՝ Իրանի հետ բանակցություններին մասնակցելու համար, հաղորդում է CNN-ը՝ հղում անելով աղբյուրին։
Ավելի վաղ Վենսը Fox News-ին ասել էր, որ կարող է միանալ ԱՄՆ-Իրան բանակցություններին Շվեյցարիայում առաջիկա մի քանի օրերին։
«Փոխնախագահ Վենսը, ինչպես սպասվում է, այսօր (շաբաթ օրը՝ խմբ.) կմեկնի Շվեյցարիա՝ մասնակցելու վաղը նախատեսված ԱՄՆ-Իրան բանակցություններին, ինձ ասաց ամերիկացի պաշտոնյան», – գրել է CNN-ի լրագրող Ալաինա Թրինը X սոցիալական ցանցում։
Վենսը ավելի վաղ չեղարկել էր Շվեյցարիա կատարելիք այցը, որտեղ հունիսի 19-ին նախատեսված էր երկու կողմերի ներկայացուցիչների առաջին հանդիպումը՝ Պակիստանի և Կատարի միջնորդների մասնակցությամբ։ Վենսը հինգշաբթի օրը հայտարարել է, որ իր մեկնումը կախված է իրանական պատվիրակության Շվեյցարիա մեկնելուց։
