Մենք հիանալի հարաբերություններ ունենք Հայաստանի, Ադրբեջանի, Թուրքիայի հետ.Կոբախիձե
Վրաստանը հիանալի հարաբերություններ է հաստատել Հայաստանի, Ադրբեջանի, Թուրքիայի հետ, Տաջիկստանում լրագրողների հետ զրույցում հայտնել է երկրի վարչապետ Իրակլի Կոբախիձեն, փոխանցել է Georgia Online-ը։
Ինչպես նշել է Վրաստանի կառավարության ղեկավարը, երկիրը 7 պետություն կապում է Սև ծովին և, համապատասխանաբար, արևմտյան տարածքին։ Առևտրատնտեսական տեսանկյունից կարևոր է լիարժեք օգտագործել այս ներուժը։
«Այս առնչությամբ կարևոր է նաև խորացնել մեր համագործակցությունը Տաջիկստանի հետ։ Բացի այդ, դուք գիտեք, որ մենք վերջերս պաշտոնական այցով եղել ենք Ղրղզստանում, շուտով կայցելենք Ղազախստան, հուլիսին Վրաստան կժամանեն Ուզբեկստանի և Թուրքմենստանի նախագահները։
Համապատասխանաբար, մեր հարաբերություններում շատ լավ դինամիկա կա, և այս ամենը կնպաստի մեր տարանցիկ գործառույթի զարգացմանը։ Դուք գիտեք, որ այս ամենի համար կատարվում են զգալի ներդրումներ՝ կապակցվածության և տարանցիկ գործառույթի ուժեղացման համար։
Միևնույն ժամանակ, մեծ նշանակություն է տրվում հարևան երկրների հետ հարաբերությունների զարգացմանը, դուք գիտեք, որ մենք հիանալի հարաբերություններ ունենք Ադրբեջանի, Հայաստանի, Թուրքիայի հետ, և մենք նաև առավելագույնս զարգացնում ենք հարաբերությունները Կենտրոնական Ասիայի երկրների հետ։ Այս գործընթացների հիման վրա Վրաստանը զգալիորեն առաջ կընթանա սեփական տնտեսական ներուժի իրացման տեսանկյունից։ Սա մեր գլխավոր առաջնահերթություններից մեկն է», — ասել է Իրակլի Կոբախիձեն։
