Հեղեղումներ Թուրքիայում. զոհվել է երեք մարդ, որոնց թվում՝ 15-ամյա մի պատանի
Թուրքիայի հարավում հինգշաբթի տեղի ունեցած հեղեղումների հետևանքով երեք մարդ է զոհվել, հայտնել են պաշտոնյաները: Ներքին գործերի նախարարությունը եղանակային վտանգի մասին նախազգուշացումներ է տարածել երկրի 81 նահանգներից 15-ի համար, հաղորդում է Associated Press-ը։
Հաթայ նահանգում տեղացած հորդառատ անձրևները, որն ամենաշատն էր տուժել 2023 թվականի ավերիչ երկրաշարժից, հանգեցրել են նրան, որ Ասի գետը (հայտնի է նաև որպես Որոնտես) դուրս է եկել ափերից՝ հեղեղելով դաշտերն ու գյուղերը: Քանդվել են նաև ճանապարհներ ու կամուրջներ։
Զոհվածների թվում է 15-ամյա մի տղա, որը մահացել է Հաթայ նահանգի կենտրոն Անտիոք քաղաքում սողանքի հետևանքով փլուզված տանը:
Դեֆնեում 66-ամյա մի տղամարդ է զոհվել, երբ նրա ավտոմեքենան սահել է դեպի ջրատար խրամատը, իսկ Սամանդաղի շրջանում 62-ամյա մեկ այլ տղամարդու քշել-տարել են հեղեղաջրերը:
Տեղական իշխանությունների տվյալներով՝ հեղեղումները զգալի վնաս են հասցրել գյուղատնտեսությանը՝ շուրջ 2900 հեկտար տարածքի վրա։
Աղետների հետևանքների վերացման բրիգադները շարունակում են գնահատել հասցված վնասները։
